Fálkaorðu á Alexander

Það mætti endilega að splæsa annari fálkaorðu á Alexander fyrir þennan frábæra varnarleik.

Það mætti svo sem líka splæsa fálkaorðu á manninn sem lýsti varnarleiknum á svo eftirminnilegan hátt sem hefur vakið mikla lukku meðal þjóðarinnar.

Átti íslenska liðið boltann?

Singapúrska leiðin

Í Singapúr eru fjárhættuspil leyfileg fyrir einungis ferðamenn en ekki fyrir heimamenn.
Þannig fást tekjur af ferðamönnum og heimamenn eyða ekki öllum peningunum sínum í vitleysu.
Hreint út sagt frábær lausn.

Mér finnst að við gætum farið skrefinu lengra á Íslandi og leyft eiturlyf fyrir ferðamenn.
Það væri hægt að opna eiturlyfjabar fyrir bara ferðamenn, þar sem ferðamenn geta komið og notað eiturlyf.
(það þarf síðan að passa að þeir fari ekki út af staðnum með nein eiturlyf með sér svo þeir fari ekki að selja Íslendingum og græði sjálfir á Íslendingum).
Einnig væri hægt að selja líka eiturlyf í fríhöfninni á leið úr landinu (það mætti samt ekki vera tax free, heldur yrði að vera slatti af sköttum).

Í kjölfarið gætum við líka reist meðferðarheimili fyrir útlendinga, þar sem útlendingar greiða fyrir að komast í meðferð við eiturlyfja- eða spilafíkn sem við erum sjáfum búin að skapa eftirspurn fyrir með fyrri tveim aðgerðunum.

Það væri hreint út sagt heimska að nýta ekki svona viðskiptatækifæri.

Vilja reka spilavíti á Hótel Nordica

...hvað með íslenska gullverðlaunahafann?

Íslendingurinn Halldór Helgason vann nýlega gullverðlaun í snjóbrettastökki á Winter X-Games. Hvar er fálkaorðan hans Halldórs?

Þið stappið í okkur stálinu

Dettur mér þá í hug ákveðin dönsk kvikmynd...

.. sem heitir I Jomfruens tegn Þar ætluðu bæjaryfirvöld að betrumbæta vatnið og bæta ákveðnu efni í vatnsból bæjarins, en fyrir mistök var sett vitlaust efni með ansi skrautlegum afleiðingum sem ég ætla ekki að segja frá til að skemma ekki myndina fyrir þeim sem hafa ekki enn séð hana, en ég skal þó segja það að bæjarbúar (og aðrir sem drukku vatnið) urðu svo sólgnir í það að þeir brutu sér leið inn í vatnsbólið, því þeir gátu ekki fengið nóg.

En þeir sem hafa séð myndina geta kannski ímyndað sér að eitthvað slíkt efni hafi verið vatninu sem handboltalandsliðið drakk í hálfleik og að það hafi kannski skemmt fyrir þeim einbeitinguna.

Ásgeir Örn: Veit ekki hvað var í vatninu

Hvað með Ísbirnina í Sædýrasafninu

Það vantar á þetta kort ísbirnina sem voru í Sædýrasafninu sem fjöldi fólks sá

Líklegast voru það mestséðu ísbirnir sem hafa nokkru sinni stigið fæti á Ísland.

 

Hér er uppfærð útgáfa af kortinu þar sem ég sjálfur er búinn að bæta við hvar Ísbirnirnir í Sædýrasafninu sáust. Ég ákvað að hafa punktinn stærri en hina vegna þess að miklu fleiri sáu umrædda ísbirni.

Ísbjörninn stoppaður upp